6 шілде күні елорда төріндегі "Қазанат" ипподромында бәйге түрлерінен республикалық турнир жалауын көтермек, деп хабарлайды ulttyqsport.kz.
"Астана кубогі" үшін өтетін ұлттық спорт мерекесі екі қашықтық бойынша (аламан – 25 шақырым, бәйге – 16 шақырым) ұйымдастырылмақ. Бәйге түрлерінен "Астана кубогін" сарапқа салуға республикамыздың барлық облыстары, Астана және Алматы қалалары 2 жүйріктен қоса алады.
Астана қаласының 20 жылдығын мерекелеу аясында өтетін бәйгенің жалпы жүлде қоры – 20 миллион теңге. 25 шақырымды құрайтын аламан бәйгенің бас жүлдесі 20 мың долларды құрайды.
Жарысты ұйымдастырушы – ҚР мәдениет және спорт министрлігі, ҚР Ұлттық спорт түрлері қауымдастығы.
Республикалық турнирдің жүлде қорын ұсынушы – Астана қаласы әкімдігі.
Бәйге түрлерінен өтетін республикалық турнир ҚР Ұлттық спорт қауымдастығы жариялаған "Астананың 20 жылдығына – 20 ұлттық-спорттық іс шара" кампаниясы аясында ұйымдастырылып отыр.
