Елорданың отын-энергетика кешені және коммуналдық шаруашылық басқармасының мәліметінше, қаладағы әлеуметтік нысандарға жылу беріле бастаған, деп хабарлайды inbusiness.kz.
"Астана қаласында жылыту маусымына дайындық және жылу беру қағидаларына сәйкес ауа райының орташа тәуліктік температурасы +10 градус және одан төмен болған жағдайда 5 тәуліктің ішінде қалалық жергілікті атқарушы орган жылыту маусымының басталуы туралы шешім қабылдайды", делінген хабарламада.
Қазіргі уақытта 116 әлеуметтік нысанға (балабақша, мектеп, аурухана) жылу берілді.
"Әлеуметтік нысандардан (балабақша, мектеп, аурухана, оңалту орталықтары) келіп түскен өтінімдер бойынша жылу беруді кезең-кезеңімен іске қосу туралы шешім қабылданды", делінген басқарма хабарламасында.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
