Астанада ҚР Мемлекеттік күзет қызметінің әскери қызметшісі Ақбұлақ өзенінің мұзына құлап кеткен тоғыз жасар баланы құтқарып қалды, деп хабарлайды inbusiness.kz.
Оқиға 18 наурыз күні болған. Мақсат Розақов жұбайымен бірге "Алатау" спорт кешеніне бара жатқанда көмек сұрап айқайлаған дауыс естіген. Ол баланы судан шығарып көмектесіп жатқанда, әйелі дәрігерлерді шақырған.
"Көпірге жүгіріп барған ол өзеннің мұзының астына түсіп кеткен 2013 жылы туған Р.Фатоевты көреді. Әскери қызметші жедел әрекет етіп, баланы судан дереу шығарып алған", - деп мәлімдеді ҚР Мемлекеттік күзет қызметі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
