Осы сенбіде, 10 тамызда жаңа № 62 бағдар өз жұмысын бастайды, деп хабарлайды inbusiness.kz сайты.
"Құрметті Астана қаласы қоғамдық көлігінің жолаушылары!
Осы сенбіде, 10 тамызда жаңа № 62 бағдар өз жұмысын бастайды.
Бағдар "Үркер" және "Отау" шағын аудандары арасында жүреді", - делінген хабарламада.
Бағытқа 15 автобус қызмет көрсетеді, қатынау жиілігі 11-20 минут болады. Қозғалыс сызбасын CTS Instagram парақшасының Tаplink-те көруге болады.
Бағдар:
• "Отау", "Үркер" шағын аудандарында қоғамдық көліктің қызметін жақсартуға;
• Қ. Мұхамедханов, Сарайшық көшелері мен Р. Қошқарбаев даңғылын тура жүретін бағдармен қамтамасыз етуге;
• №№ 7, 11, 18, 43, 45, 47, 49, 52, 54, 56, 66, 71, 80 бағдарларының жүктемесін азайтуға ықпал етеді.
"Жыл соңына дейін тағы да бағдарлар іске қосу жоспарлануда. Біздің парақшаны оқи жүріңіздер", - деп қосты компания.
