2025 жылдың 26-28 маусымы аралығында Астанада "CHILDREN PARALYMPIC GAMES 2025" инклюзивті спорттық фестивалі өтеді. Фестиваль "Саламатты болашақ" әлеуметтік жобасы аясында "Samruk-Kazyna Trust" әлеуметтік жобаларды дамыту қорының қолдауымен ұйымдастырылады, деп жазады inbusiness.kz сайты.
Фестивальдің мақсаты – "Тең мүмкіндіктер әлемі" ҚҚ бейімделген спорттық секцияларының тәрбиеленушілері – мүгедектігі бар балалар мен жастардың дене шынықтырумен және спортпен тұрақты айналысуға мотивациясын арттыру, әлеуметтік белсенділікті, сенімділік пен өзара құрметті нығайту, сондай-ақ мүгедектігі бар балалар мен олардың құрдастары арасындағы достық қарым-қатынастарды орнату мақсатында инклюзивті спорттық-мәдени іс-шараларды өткізу.
Фестивальге мүгедектігі бар 400-ге жуық спортшы қатысады. Олар – 20 қаладағы "Тең мүмкіндіктер әлемі" ҚҚ спорттық секцияларының тәрбиеленушілері, аймақтық ашық іріктеу жарыстарының жеңімпаздары, 1-орын алған балалар мен жастар.
Фестиваль бағдарламасына "Инклюзивті хореография" үйірмесінің тәрбиеленушілері арасындағы би конкурсы мен 9 спорт түрі бойынша жарыстар кіреді:
• Адаптивті жүзу;
• Адаптивті каратэ;
• Адаптивті таэквондо;
• Адаптивті футбол;
• Бочча;
• Адаптивті жеңіл атлетика;
• ЦП футболы;
• Адаптивті пионербол;
• Настольный теннис.
Инклюзивті спорттық фестивальдің ашылу салтанаты 2025 жылдың 26 маусымында, сағат 10:00-де "Жастар" сарайында өтеді.
