Елордадағы тұрғын үй кешендерінің бірінде белгісіз адам лифтте бұзақылық жасады. Бүгінде кінәлі адам табылып, жауапқа тартылды, деп жазады inbusiness.kz сайты қала әкімдігіне сілтеме жасап.
Оқиға Жирентаев көшесіндегі көпқабатты үйде болған.
Белгісіз адам лифтке кіріп, оны тепкілей бастаған, сонымен қатар кабинаны жұдырықпен ұрып, тырнап, түкірген.
Алматы аудандық Полиция басқармасының полицейлері қылмыскердің жеке басын анықтады. Ол 33 жастағы жергілікті тұрғын болып шықты. Оны уақытша ұстау бөлмесіне орналастырды.
Осы іске қатысты ұсақ бұзақылық жасағаны және жалпы пайдалану орындарын ластағаны үшін ҚР ӘҚБтК 434-бабының 1-бөлігі және ҚР ӘҚБтК 434-2-бабының 1-бөлігі бойынша әкімшілік іс қозғалды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
