Астана қаласының ішкі істер департаментінде бес жасар қызды ұрып-соғу фактісіне байланысты сотқа дейінгі тергеу амалдары басталды, деп хабарлайды Елорда Инфо.
"Сараптама тағайындалды. Тергеу әрекеттері жүргізіліп жатыр. Сотқа дейінгі тергеу амалдарының басқа мәліметтерін ҚР ҚК 201-бабына сәйкес жариялауға болмайды", – деді ІІД баспасөз хатшысы Софья Қылышбекова.
Айта кетейік, ақпанның 28-інен 1 наурызға қараған түні Астанада 5 жасар Имериаль Садуақасова ұрып-соғу салдарынан қалалық №2 балалар ауруханасына түскен. Жедел жәрдем жеткізген кезде қыздың денесінде басынан аяғына дейін көгерген іздер болған. №2 қалалық балалар ауруханасының мамандары операция жасап, қазір ол аурухананың нейрохирургия бөлімшесінде ем алып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
