Астанада боран салдарынан рейстер кешіктіріліп жатыр

222

Әуежай штаттық режимде жұмыс істеп тұр.  

Астанада боран салдарынан рейстер кешіктіріліп жатыр Фото: nn-airport.kz

Астана халықаралық әуежайының баспасөз қызметі қолайсыз ауа райына байланысты рейстердің ұшуы мен келуі кешіктіріліп жатқанын хабарлады, деп хабарлайды inbusiness.kz сайты.

Ақпаратқа сәйкес, қазіргі уақытта ұшуға жоспарланған 84 рейстің 6-ы, әуе кемелерінің кеш келуіне байланысты кейінге қалдырылды. Ұшып келуге жоспарланған 86 рейстің 8-і дәл осы себеппен кешіктірілді. Кешігулердің көп бөлігі ұшуға қолайсыз ауа райымен байланысты.

"Әуежай штаттық режимде жұмыс істеп тұр. Ұшу қауіпсіздігін қамтамасыз ету мақсатында перрон мен ұшу-қону жолағын тазалау жұмыстары үнемі жүргізіледі. Әуеайлақтың үздіксіз жұмысын қамтамасыз ету үшін 23 дана мамандандырылған техника пайдаланылады", – делінген хабарламада.

Жолаушылар рейстер мен кестедегі ықтимал өзгерістерді әуекомпаниялардан, әуежайдың ресми сайтынан (www.nn-airport.kz) және тәулік бойы жұмыс істейтін әуежайдың байланыс орталығынан (8 7172 702-999) анықтай алады.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу