Құрылысы 2016 жылы басталған Ботаникалық бақ 2017 жылдың соңына дейін аяқталады, деп хабарлайды "Астана қаласының сәулет және қала құрылысы басқармасы" ММ.
Ботаникалық бақта ғылыми әзірлемелер жүргізіліп, танымдық, оқу-ағартушылық, көңіл көтеру, экологиялық және табиғат қорғау шаралары өткізіледі.
"Бұл жерде тағамдық, техникалық, дәрілік, декоративтік өсімдіктердің экспозициялары құрылатын болады, бұл ағаштар, бұталар, лианалар, шөпті өсімдіктер, мүк, қына", – делінген қала әкімдігінің баспасөз қызметі таратқан ақпаратта.
Елорда тұрғындары мен қонақтары Ботаникалық баққа жыл бойы келе алады. Нысан 100 гектар аумақта - Қабанбай батыр даңғылы, Түркістан көшесі, № 24 және № 26 көшелерінің аралығында орналасатын болады.