1 ақпан күні таңертең елордада қар тазалауға 2,5 мыңға жуық жол жұмысшысы шықты, деп жазады inbusiness.kz сайты Астана әкімдігіне сілтеме жасап.
Елорданың коммуналдық қызметтері тәулік бойы күшейтілген режимде жұмысын жалғастыруда. 1 ақпан күні қар тазалау жұмыстарына 1,5 мыңға жуық арнайы техника мен 2,5 мыңға жуық жол жұмысшылары жұмылдырылды.
Өткен түнде қаладан 34 мың текше метр қар (2614 жүк көлігі) шығарылды.
Қыс басталғаннан бері қар полигондарына 3,3 млн текше метр қар тасымалданды, бұл 248,4 мың ауыр жүк көлеміне тең.
Гидрометеорологиялық орталықтың мәліметінше, 1 ақпан Астанада күн бұлтты болып, кейде қар жауады деп күтілуде. Оңтүстік бағыттан соғатын жел екпіні түнде 3-8, күндіз 5-10 м / с. Ауа температурасы түнде -15-17, күндіз -6-8 градус аяз.
