Елордада қар мен мұзды тазалау бойынша тәулік бойы жұмыс жалғасуда. Коммуналдық қызмет қаланың барлық бес ауданында ауысыммен жұмыс істейді, деп хабарлайды inbusiness.kz сайты Астана әкімдігінің ресми сайтына сілтенме жасап.
12 наурыз күні таңертең қала бойынша қар тазалау жұмыстарына 1,1 мыңнан астам арнайы техника мен 2,5 мыңнан астам жол жұмысшысы жұмылдырылды.
11 наурыздан 12 наурызға қараған түні қаладан 1,2 мың рейс, 17 мың текше метрге жуық қар шығарылды.
Қыс басынан бері полигондарға 456 мың ауыр жүк көлеміне тең 6,17 млн текше метр қар жеткізілді.
Айта кету керек, соңғы күндері елордада жаңбыр аралас қар түрінде жауын-шашын көп жауды. Қалада қар тазалау тәулік бойы ауысымдық режимде жүргізіледі. Бірінші кезекте орталық көшелер, жолаушылар көлігі маршруттары, аялдамалар мен тротуарлар тазаланады.
Көктайғақ кезінде қала тұрғындарының ыңғайлы қозғалысы үшін жолдарға, тротуарлар мен көшелерге құм-тұз қоспасы себіледі. Автокөлік жүргізушілерінен жолда мұқият болуды, жылдамдық режимін сақтау сұралады.
