Астанада қатты желден батут аударылып, бес бала зардап шекті, деп хабарлайды Sputnik Қазақстан.
"16.50-де "Жаннұр" сауда орталығы аумағында орналасқан батуттың қатты желден аударылып қалғаны туралы хабар түсті. Оқиға орнына полицейлер мен жедел жәрдем барды", — дейді ІІД баспасөз қызметінен.
Бастапқы мәліметке сүйенсек, оқиға салдарынан бес бала зардап шегіпті – әртүрлі жарақат алған балаларға жәрдем көрсетілген.
Қазіргі уақытта полиция оқиғаның мән-жайын анықтап жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
