Бүгін Астанада қос елдің кәсіпкерлері бас қосты, деп хабарлайды 24.kz.
Бүгінде қос ел тек ауыл шаруашылығына ғана емес, өзге салаларға да қатысты бірнеше бірлескен жобаны жүзеге асырып жатыр. Биылдың өзінде агроөндірістік кешен, тау-металлургия және химия өндірісі бойынша тағы бірнеше жоба іске қосылмақшы. Былтырдың өзінде тауар айналымы 10 млрд-тан асып жығылды. Ал биыл бұл көрсеткіштен де жоғары болуы мүмкін. Қазір біздің елде қытайлық капиталы бар 1200-ден астам компания жұмыс істеп жатыр. Бірлескен инвестициялық жобалар машина құрастыру, мұнай өңдеу, химия, тамақ өндірісі және логистика саласында жүзеге асты.
Форум "Бір белдеу, бір жол" бастамасына 5 жыл толуына орай ұйымдастырылды. Қазір оның жемісін екі тарап та көре бастады. Форумға қатысушыларға екі елдің мемлекет басшылары – Елбасы Нұрсұлтан Назарбаев пен Қытай Халық Республикасының төрағасы Си Цзиньпин бейнеқұттықтауларын жолдады. Ал өзара достық пен сенімге, тату көршілікке негізделген қарым-қатынас елімізді бәсекеге төтеп беріп, экономикадағы еншімізді уысымыздан шығарып алмауды талап етеді. Осы орайда қытайлық компанияларымен түрлі салалар бойынша бірлескен жобаларды жүзеге асыруға байланысты нақты келісімдер бекітіліп отыр. Атап айтқанда, азық-түлік, автоөнеркәсіп, биотехнология, медицина және басқа да жобалар қамтылған.
