Елордада өткен түнде толассыз қар жауды. Қалың қар жауған жағдайда қаланың коммуналдық қызметтері тәулік бойы күшейтілген режимде жұмыс істейді. 26 қаңтар күні таңертең қар күреу жұмысына 2 300-ден астам жол жұмысшы жұмылдырылды.
Қаланы қар мен мұздан тазарту бойынша күндізгі ауысымға 2 363 жол жұмысшы және 1 300-ден астам арнайы техника шықты.
Қыс мезгілінің басынан бастап қар полигондарына барлығы 3 млн текше метрге жуық қар, яғни 213 205 рейс шығарылды.
Айта кетейік, Астанада бірнеше қар полигоны жұмыс істейді. Олардың барлығы самосвал техникасының нөмірлік белгілерін оқу жүйесімен, бейнебақылаумен және жарықтандырумен жабдықталған.
"Қазгидромет" РМК деректері бойынша Астанада 26 қаңтар күні көшпелі бұлт шығып, түнде жауын-шашын (жаңбыр, қар), күндіз қар, көктайғақ, боран болады деген болжам бар. Оңтүстік-батыстан соққан жел 9-14 м/с, екпіні – 15-20 м/с, күндіз – 23 м/с. Ауа температурасы түнде және күндіз -7-9 аяз, күндіз одан әрі төмендейді.
