"Араби 2 - Гранитный 2", "Арыстан, 4-блок", "Future home" секілді ұзаққа созылған нысандардың құрылыс барысымен таныстым. Бұл тұрғын үй кешендерінің құрылысының басталғанына 12 жылға жуық болды.
Мысалы, "Араби 2 - Гранитный 2" тұрғын үй кешені 2013 жылы проблемалы деп танылған.
Мұнда 200-ге жуық отбасы баспанасын күтіп жүр", - деп жазды Астана әкімі.
"Future home" тұрғын үй кешенінің құрылысы да 2013 жылы басталған. Нысанды ЕҚК-ге беру кезінде 4 және 7 қабаттар ғана салынған.
Жеңіс Қасымбек құрылысы ұзаққа созылған нысандар бойынша ауқымды жүйелі жұмыс жүргізіп жатқанын айтты Осыған дейін мемлекеттің қолдауының арқасында 16 мыңнан астам үлескер отбасының 15,5 мыңға жуығы баспаналы болды. Ұзаққа созылған 140-тан астам тұрғын үй кешенінің құрылысы аяқталды.
"Мысалы, 2023 жылы құрылысы ұзаққа созылған 32 тұрғын үй кешені болатын.
Былтыр ұзаққа созылған 22 тұрғын үй кешенінің құрылысы аяқталды. Биыл 10 үй қалды, олардың құрылысы осы жылдың 1-2 тоқсанында аяқталады. Осылайша, қалған 500-ге жуық үлескер отбасы баспаналы болады.Құрылысы ұзаққа созылған нысандардың құрылысы Мемлекет басшысының тікелей бақылауында", - деп жазды Жеңіс Қасымбек.
