Елорда жаңажылдық мереке күндері 20 адам тамақтан уланып қалды. Бұл туралы Астана қалалық қоғамдық денсаулық сақтау басқармасы айтты, деп хабарлайды ҚазАқпарат.
"2018 жылыдң 30 желтоқсаны мен 2019 жылдың 2 қаңтары аралығында қалалық инфекциялық ауруханаға өткір бактериялық-ішек инфекциясы диагнозымен 20 адам жүгінді. Олардың 16-сы ауруханаға жатқызылып, қалғандары амбулаторлық ем алу үшін тұрғылықты жерлеріне жіберілді", –делінген басқарма хабарламасында.
Сонымен қатар, ведомство мәліметінше, балалар инфекциялық ауруханасына өткір бактериялық-ішек инфекциясы диагнозымен 1 бала жатқызылған.
"Барлық пациенттердің жағдайы орташа ауырлық деңгейі ретінде бағаланады. Олар аурухана мамандарының бақылауында", – деді басқармадан.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
