Астаналық полицейлер осы жылдың 28 ақпаны мен 6 наурызы аралығында "Құқықтық тәртіп" жедел-алдын алу іс-шарасын өткізуде, деп хабарлайды Елорда Инфо.
Жедел алдын алу іс-шарасының 1 күндік қорытындысы бойынша полиция қызметкерлері 900-ге жуық аулны аралады, 20-дан астам қылмыс ашылып, іздеуде жүрген 5 адам ұсталды. Сонымен қатар, 800-ден астам әкімшілік құқық бұзушылықтар анықталды.
Полиция департаменті түрлі-түсті және қара металл ұрлығының, сондай-ақ, кәріз қақпақтарының ұрлануының алдын алу, жолын кесу бойынша жергілікті-рейдтік іс-шараларды үнемі өткізеді.
"Құқықтық тәртіп" іс-шарасы барысында 28 ақпанда Астана қаласы ПД жергілікті полиция қызметі басқармасының қызметкерлері металл қабылдайтын 4 орынды жапты, онда 2,5 тоннадан астам металл тәркіленді. Металл қабылдау пункттерінің 21 иесіне қатысты ҚР ӘҚБК 463 бабы бойынша әкімшілік іс қозғалды", – делінген хабарламада.
Жыл басынан бері полиция қызметкерлері 30 металл қабылдау орнын жауып, ол жерден 50 тоннадан астам металл тәркіленді.
