Есіл ауданы полиция басқармасының қызметкерлері жедел-іздестіру іс-шараларын жүргізу кезінде ұрлық қылмысына күдікті 21 жастағы азаматты құрықтады, деп жазады inbusiness.kz сайты.
Тергеу барысында ұсталған азамат зейнеткерден бірінші қарызға ақша сұраған, кейін зейнетақысының көп мөлшерде жиналғанын білген.
Осылайша мүмкіндігі шектеулі әжейдің банк қосымшасын өзіне жүктеп, зейнетақысын алып отырған. Күдіктінің жәбірленушіге келтірген шығын көлемі шамамен – 5,5 млн теңге.
Қазіргі уақытта күдіктіге қатысты ҚР ҚК-нің 188-бабы (Ұрлық) бойынша сотқа дейінгі тергеу жүргізіліп жатыр.
Сонымен қатар оның елорда аумағында бұрын жасалған осыған ұқсас басқа да қылмысқа қатысы бар-жоғы да анықталып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
