Қазақстандағы Тұңғыш Президент кітапханасының базасында Президенттік орталық құрылды. Ол қандай қызмет атқарады? Президент әкімшілігі бөлімінде түсіндірілді, деп хабарлайды inbusiness.kz тілшісі.
Жауапта айтылғандай, орталық тәуелсіз Қазақстан көшбасшыларының тарихи мұрасын сақтау, зерттеу және насихаттаумен айналысатын болады.
Мұнда Қазақстанның президенттік институтына қатысты жәдігерлер сақталады.
"Жаңадан құрылған орталыққа экс-президент Нұрсұлтан Назарбаевтың жеке мұрағатынан және жеке кітапханасынан материалдар, сондай-ақ бұрын Тұңғыш Президент кітапханасында сақталған мұражай жәдігерлері топтамасы келіп түсті. Бүгінгі таңда қорда 150 мыңнан астам мұрағаттық құжат бар. 40 мың кітап пен 12 мың мұражай жәдігері сақталған", - деп хабарлады Президент Әкімшілігінде.
Қазіргі Мемлекет басшысының тарихи-мәдени құндылығы бар жеке құжаттары мен заттары да орталыққа өткізіледі. Болашақта олар Қазақстанның кейінгі президенттерінің тиісті материалдарын осында жинақтамақ.
"Орталық Қазақстан басшыларының құжаттарымен қатар Тәуелсіздігіміздің тарихына қатысты материалдарды жинақтау, жүйелеу және зерттеуді жоспарлап отыр", - деп хабарлады Президент Әкімшілігінде.
Жаңа орталыққа кіру тегін.
