Алты айдың ішінде елорданың травматологиялық пунктеріне 26 040 науқас жүгінген. Бұл былтырғы жылдың сәйкес кезеңіндегі көрсеткіштен 0,3 пайызға төмен, деп хабарлайды Астана қаласы әкімдігінің медиа орталығы.
"Қазіргі таңда елордада № 1, 2, қалалық ауруханалардың, Травматология және ортопедия ұлттық ғылыми-зерттеу институтының және Теміржол ауруханасының базасында травматологиялық пунктер бар. Аталмыш травматологиялық бөлімшелер тәулік бойы жұмыс істейді. Күндізгі жұмыс уақытында пациенттер қалалық емханалардың жанындағы травматологиялық бөлмелерге келе алады",- дем мәлімдеді Астананың денсаулық сақтау басқармасының емдеу-профилактикалық және дәрі-дәрмекпен қамтамасыз ету бөлімінің жетекшісі Саттар Әбдіғұлов.
Ағымдағы жылдың 6 айында былтырғы жылдың сәйкес кезеңімен салыстырғанда, өндірістік жарақат алу 23,5 пайызға, көшеде жарақат алу - 4,9 пайызға төмендегені және спорттық жарақаттардың 0,2 пайызға артқаны байқалады.
"Алғашқы жарты жылдықта жарақат алулардың ішінде тұрмыстық және көшедегі жарақаттардың саны басым", - деді Саттар Әбдіғұлов .
Оның мәліметтеріне қарағанда, травматологиялық бөлімшелер ҚР үкіметінің "Кепілдендірілген тегін медициналық көмек көлемінің тізімін бекіту туралы" қаулысы аясында халыққа тегін қызмет көрсетеді
