7-8 мамыр күндері Астана қаласында Мәдениет және спорт министрлігі Спорт және дене шынықтыру істері комитеті, ҚР Ұлттық спорт қауымдастығы, Астана қаласы әкімдігінің қолдауымен Дәстүрлі садақ атудан жасөспірімдер арасында ел чемпионаты өткізіледі, деп хабарлайды inbusiness.kz қала әкімдігіне сілтеме жасап.
Чемпионатқа Қазақстанның түкпір-түкпірінен 150-ге жуық мерген бақ сынайды деп күтілуде. Жалпы 7-9 жас, 10-12 жас, 13-15 жас, 16-18 жас аралығындағы қыздар және ұлдар қатысатын болады.
Жарыс үш түрлі нысана негізінде өткізіледі. Олар – Пута нысанасы (5 оқтан 5 мүмкіндік), Орта Азия нысанасы (5 оқтан 5 мүмкіндік) және Жамбы нысанасы (5 оқтан 3 мүмкіндік). Жас ерекшіліктеріне байланысты әр нысананың арақашықтары әртүрлі. Атап айтсақ,
7-9 жас – 10 метр (ұлдар мен қыздар бөлек)
10-12 жас – 15 метр (ұлдар мен қыздар бөлек)
13-15 жас – 20 метр (ұлдар мен қыздар бөлек)
16-18 жас – 25 метр (ұлдар мен қыздар бөлек)
Іс-шара "KazTuran Sport" кешенінде ұйымдастырылады.
