Астанадағы Мәңгілік Ел даңғылында салынып жатқан ғимаратта өрт шықты, деп хабарлайды inbusiness.kz.
Қалалық Төтенше жағдайлар департаменті мәліметінше, сағат 15:08-де Есіл ауданында Хусейн бен Талал көшесі мен Мәңгілік Ел даңғылы қиылысындағы жаңа ғимараттан түтін шығып жатқаны туралы хабарлама бойынша өрт сөндіру бөлімдері шұғыл әрекет еткен.
"Өрт сөндірушілер келген соң, алдын ала 200 шаршы метр аумақта салынып жатқан ғимараттың екінші қабатында құрылыс материалдарының жанып жатқаны анықталды", - делінген хабарламада.
Фото: Куәгерден
Оқиға орнында өртті сөндіру үшін Астана қалалық Төтенше жағдайлар департаментінің жеке құрамының 20 адамы мен 4 техникасы жұмыс істеп жатыр.
Алдын ала мәлімет бойынша, зардап шеккендер жоқ.
