Еліміздің үздік теннисшілері бүгін балаларға арнап шеберлік сағатын өткізді. Бұл шара Қазақстан мен Португалия арасындағы Дэвис кубогының бірінші айналымы шеңберінде ұйымдастырылды, деп хабарлайды 24.kz.
Астанадағы сауда-ойын сауық орталықтарының бірінде қолдан корт жасалып, бұл жерге теннистен ұлттық құрама мүшелері жиналды. Ал балалар сүйікті спортшыларымен теннис ойнауға мүмкіндік алды. Үздіктерге бағалы сыйлықтар мен Дэвис кубогы ойындарының билеттері табысталды.
"Балалық шағымда мен де осы балалар сияқты кәсіби теннисшілерге қарап, бұлар секілді әлі талай жетістіктерге жетемін деген сенімім нығаятын. Сондықтан кішкентай спортшылармен жиі кездесіп, осындай шеберлік сағаттарын өткізіп тұру маңызды",– дейді теннисші Александр Бублик.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
