/img/tv1.svg
RU KZ
Астанада VI Қазақстан машина жасаушылары форумы басталды

Астанада VI Қазақстан машина жасаушылары форумы басталды

Форумда Қазақстанның машина жасау саласын дамытудың 2019–2030 жылдарға арналған кешенді жоспарының жобасы таныстырылады.

20 Қыркүйек 2018 15:19 638

Астанада VI Қазақстан машина жасаушылары форумы басталды

Бүгін Астана қаласында VI Қазақстан машина жасаушылары форумы басталды. «Қазақстан машина жасаушылары одағы» ЗТБ басқарма төрағасы Мейрам Пішембаев форум жұмысына АҚШ, Германия, Италия, Ресей, Түркия, ҚХР және т.б. секілді әлемнің 20 елінен 1000-нан астам делегат қатысатынын айтты, деп хабарлайды

Форум аясында шетелдік серіктестермен бірлескен кәсіпорындар құру, технологиялар трансферті туралы меморандумдарға қол қойылады. Сонымен қатар, қатысушылар отандық машина жасауды одан әрі дамыту, бәсекеге қабілеттілікті арттыру бойынша тәжірибелік ұсыныстар жасайды.

Форумда Қазақстанның машина жасау саласын дамытудың 2019–2030 жылдарға арналған кешенді жоспарының жобасы таныстырылады, ол орта мерзімді кезеңде саланы дамытудың стратегиялық жоспары болады.

Депутат отандық өндірушілерді қолдауға шақырды

Бүгінде тауарлардағы жергілікті қамту үлесі 10-12% -дан аспайды.  

30 Қыркүйек 2020 13:02 192

Мәжілістің жалпы отырысында Премьер-министрдің атына депутаттық сауал жолдаған Мейрам Пішембаев тауарлардағы жергілікті қамту үлесі 10-12% -дан аспайтынын айтты. Оның сөзінше, 2021 жылдың 1 қаңтарынан бастап қазақстандық өндірушілер мен жер қойнауын пайданушылар үшін сатып алудағы жеңілдіктер де жойылмақ. 

«Келесі жылдан бастап тауарларға 0%-ға дейін, жұмыстар мен қызметтерге 50%-дан аспайтын, кадрларға 50%-дан аспайтын шектеулер енгізіледі. Сонымен қатар отандық өндірушілер үшін тендерлерді өткізу кезінде 20% шартты жеңілдік беру нормасы, қазақстандық өндірушілерден бір көзден тауарларды сатып алу құқығы және тапсырыс берушілердің тауарлардағы жергілікті қамтудың міндетті үлесін талап ету мүмкіндігі алынып тасталады»,– деді Мейрам Пішембаев.

Депутат мұның барлығы 2015 жылы Қазақстанның ДСҰ-ға кірген сәтінен бастап жергілікті қамту үлесінің төмендеуі аясында болып жатқанын айтады. Оның мәліметінше, 2014-2019 жылдар аралығында бұл көрсеткіш 12%-ға, яғни, 63%-дан 51%-ға дейін төмендеген. 

«Жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстардың, қызметтердің және олардың өндірушілерінің тізілімі» электрондық алаңында тіркелген ондаған мың қазақстандық компаниялар мен жеке кәсіпкерлер ішкі нарықтан ығыстыру қаупі алдында тұр»,  деген депутат Үкіметті дағдарыстан кейінгі қалпына келтіру жағдайында қолданыстағы шараларды сақтау мәселесін қарауға, сондай-ақ отандық өндірушілерді қолдаудың балама тетіктерін қарастыруға шақырды.

Құралай Құдайберген

Қала мен ауыл арасында цифрлық теңсіздік бар

Инфрақұрылым мен жиілікті бірлесіп пайдалану қажет.  

03 Маусым 2020 13:24 284

Мәжілістің жалпы отырысында депутат Мейрам Пішембаев шалғайдағы ауылдарды сапалы интернетпен қамту жұмысын  жеделдету қажет екенін мәлімдеді.

«Қала мен ауыл арасындағы цифрлық теңсіздік аумақтардың экономикалық дамуына толыққанды мүмкіндік бермейді», – деді депутат. 

Ол ауылдарға байланыс қызметін ұсынатын операторлар, экономикалық тұрғыдан тиімді болатынын айтты. 

«Инфрақұрылымды бірлесіп пайдалану байланыс операторларына инфрақұрылымдық шығыстарды азайтуға, байланыс желісінің сапасын арттыруға, сондай-ақ мобильді және спутниктік байланыс желісінің құрылысын жылдамдатуға жағдай жасайды», – деді Мейрам Пішембаев.

Қанат Махамбет