Синоптиктердің болжамынша, 3 наурызда Ақмола облысының солтүстігінде, шығысында жаяу бұрқасын күтіледі. Облыстың батысында, солтүстігінде, оңтүстігінде тұман түседі. Солтүстік-батыстан соғатын жел оңтүстік-батысқа ауысады, күндіз облыстың солтүстігінде, шығысында екпіні 15-20 м/с болады.
Көкшетау қаласында солтүстік-батыстан соғатын жел оңтүстік-батысқа ауысады, күндіз екпіні 15 м/с болады деп болжанды.
Ертең Жетісу облысының шығысында, орталығында, таулы аудандарында кей уақыттарда тұман түседі. Шығыстан жел соғады, күндіз облыстың шығысында желдің екпіні 15-20 м/с болады.
Жексенбіде Түркістан облысының оңтүстігінде, батысында, таулы және тау бөктерлі аудандарында жауын-шашын (жаңбыр, қар), тұман күтіледі. Оңтүстік-батыстан шығысқа ауысатын жел соғады, облыстың таулы аудандарында желдің күші 15-20 м/с болады.
Шымкент қаласында кей уақытта жауын-шашын (жаңбыр, қар), тұман күтіледі. Түркістанда түнде және таңертең жауын-шашын (жаңбыр, қар), тұман күтіледі.
Астанада жексенбі түнде және таңертең тұман күтіледі.
3 наурызда күндіз Солтүстік Қазақстан облысының солтүстігінде, оңтүстігінде, шығысында аздаған қар жауып, жаяу бұрқасын болады деп болжанды. Облыстың оңтүстік-батысында, оңтүстігінде тұман күтіледі. Оңтүстік-батыстан жел соғады күндіз облыстың солтүстігінде, оңтүстігінде, шығысында екпіні 15-20 м/с болады.
Петропавл қаласында күндіз жаяу бұрқасын күтіледі. Оңтүстік-батыстан жел соғады, күндіз екпіні 15-20 м/с болады.
Ертең Батыс Қазақстан облысының солтүстігінде, шығысында, оңтүстігінде тұман күтіледі.
Орал қаласында түнде және таңертең тұман түседі деп болжанды.
