Астана қаласы ПД жергілікті полиция қызметі басқармасының бастығы Арман Айтмағанбетов елордалық коммуникациялар қызметінде өткен брифинг барысында жол қозғалысы ережелерін бұзушылар есебінен бюджетке қанша ақша түскенін айтты, деп хабарлайды Inbusiness.kz.
Арман Айтмағамбетов Астанада 21 адамды жарақаттап, тағы бір адамның өмірін жалмаған мопедтердің қатысуында 21 жол апаты тіркелгенін хабарлады. Скутерлердің қатысуында 11 жол-көлік оқиғасы тіркеліп, 12 адам зардап шекті, деп жазды Zakon.kz.
"17 664 жаяу жүргіншіге айыппұл салынды. 145 мыңнан астам құқық бұзушылықтың жолы кесіліп, 2,6 млрд теңгеден астам айыппұл салынды", – деді спикер.
Оның айтуынша, жолдардағы қауіпсіздік деңгейін арттыру үшін ұйымдастырушылық және практикалық шаралар кешені қабылдануда. Апта сайын, жұма күндері қарбалас уақытта жаяу жүргіншілермен жұмыс жүргізу үшін әлдеқайда қауіпті жол бойына жүргінші киіміндегі белгілер қойылады.
Айта кетсек, 9 қазанда Қарағанды облысында жол апатынан бес адамның қаза тапқаны белгілі болды.
