Астана қалалық білім басқармасының мәліметіне сүйенсек, қазіргі уақытта елордада 130542 оқушыны қамтитын 95 жалпы білім беру мекемесі бар, оның 84-і – мемлекеттік және 11-і – мемлекеттік емес, деп хабарлайды қала әкімінің баспасөз қызметі.
Мемлекеттік мектептердің 56-сы жаңа типтегі оқу ордасы және олар 95984 оқушыны қамтып отыр, өткен оқу жылында – 84149, соның ішінде 4 гимназия, 26 мектеп-гимназия, 4 лицей, 21 мектеп-лицей және дарынды балаларға арналған 1 мектеп.
Сондай-ақ елордада 3625 оқушыны біліммен қамтып отырған 11 жекеменшік мектеп жұмыс істейді, соның ішінде негізгі және орта мектептер, оқу ордаларының 97%-ы интернетпен қамтамасыз етілген.
Жаңа модификациядағы кабинеттермен қамту деңгейі – 55,5%. 2016-2017 оқу жылында 2 мектеп ашылды – 600 орынды №26, 1200 орынды №84 мектеп. Қазір 6 мектептің құрылысы жүргізіліп жатыр, оларды 2017 жылдың соңына дейін тапсыру көзделген. Сонымен бірге, №37 мектепке 450 орынды қосымша құрылыс және коррекциялық мектеп-интернатқа 375 орынды қосымша құрылыс салынады.