Астананың қоғамдық денсаулықты сақтау басқармасы басшысының орынбасары Әлия Рүстемова перинаталды орталықта төрт әйел қайтыс болғаннан кейін қандай шара қолданылғанын айтты, деп хабарлайды elorda.info.
"Барлық төрт әйел өлімінің жағдайы бойынша республикалық комиссияның қорытындысы бар. Ресми қорытынды. Үш жағдайда болдырмау анықталды, бір жағдай - шартты түрде алдын алуға болатын. Бұл – медициналық көмек көрсетуде кемшіліктер бар екенін көрсетеді, бірақ олар босанғанда ана өліміне тікелей әсер етпеген. №1 перинаталды орталықтың бас дәрігеріне шара қолданылып, ол жұмысынан кетті. Босанғанда әйелдерге медициналық көмек көрсетуге қатысқан адамдарға қатаң сөгіс түрінде тәртіптік шара қолданылды. Бұл тамызда болды. Біріншіден, ол өз еркімен мәлімдеме жасап, арыз жазды. Ол өзі де шыдай алмады. Сондай-ақ перинаталды орталық пен №2 қалалық аурухана біріктіріледі", - деп түсіндірді Әлия Рүстемова.
Ол сондай-ақ алдағы уақытта тағы төрт медициналық ұйымның бірігетіндігін және акушер-гинекологтар, анестезиологтар мен реаниматологтарды оқытуға бюджеттен 100 млн теңге бөлінетінін атап өтті.
"Екінші, үшінші және төртінші әйелдердің балалары енді үйге шығарылады. Бірінші әйелдің баласы ауыр халде болды. Қазір оның жағдайы қанағаттанарлық, ол №1 қалалық балалар ауруханасында, біз оны бір аптадан кейін шығарамыз", - деді ол.
