Астана қалалық мәслихатының кезектен тыс сессиясы өтті. Онда елорданың жекелеген көшелеріне атау беру және кейбір көшелерін қайта атау туралы мәселесі қаралды, деп хабарлайды astana-akshamy.kz-ке сілтеме жасаған "ҚазАқпарат" ХАА.
Астана тұрғындарының пікірін ескере отырып, қалалық Ономастика комиссиясының 2016 жылғы 7 қыркүйектегі №1 шешімінің негізінде Астана қаласының әкімдігінің қаулысы және Астана қаласының мәслихатының шешімімен: Төмендегі көшелерге: Астана қаласының Алматы ауданы бойынша: жобалық атауы 23-17 көше - Хусейн бен Талал көшесі; жобалық атауы 23-31 көше - Кенен Әзірбаев көшесі; жобалық атауы А 19 көше - Темірбек Жүргенов көшесі; Астана қаласының Есіл ауданы бойынша: жобалық атауы 210 көше - Нияз би көшесі; жобалық атауы 211 көше - Нұрпейіс Байғанин көшесі; жобалық атауы 212 көше - Сұлтанбек Қожанұлы көшесі; жобалық атауы Е10 көше - Орынбор көшесі; жобалық атауы Е 250 көше - Қайым Мұхамедханов көшесі; жобалық атауы Е 350 көше - Никола Тесла көшесі; жобалық атауы Е 573 көше - Рабиға Есімжанова көшесі; жобалық атауы Е 581 көше - Саттар Ерубаев көшесі; жобалық атауы Е 602 көше - Ханшайым Сүйінбике көшесі; жобалық атауы № 26 көше - Бұқар жырау көшесі болып бекітілді. Астана қаласының "Алматы" ауданы бойынша: Иван Панфилов көшесі - Сәкен Жүнісов көшесіне; Б. Майлин көшесі және жобалық атауы А193 көше біріктіріліп - Бейімбет Майлин көшесіне өзгертілді. Астана қаласының Есіл ауданы бойынша: Орынбор көшесі - Мәңгілік Ел даңғылы; Хусейн бен Талал көшесі - Ұлы Дала даңғылы; Еңбекшілер көшесі және жобалық атауы № 36 көше біріктіріліп - Әлихан Бөкейхан даңғылы атауын алды. Астана қаласының "Сарыарқа" ауданы бойынша: Әлихан Бөкейхан көшесі - Әзірбайжан Мәмбетов көшесі болып қайта аталды.
