Елордада өтіп жатқан Шанхай ынтымақтастық ұйымы мен Азиядағы өзара ықпалдастық және сенім шаралары жөніндегі кеңестің халықаралық марафонынының 2017 метр қашықтықта бақтарын сынаған жеңімпаз марафоншылардың есімдері белгілі болды, деп хабарлайды ҚазАқпарат.
Атап айтқанда, әйел паралимпиадашылар арасында екінші орынды Жанат Бабакумова алса, алтын медальді Екібастұз қаласынан келген Оксана Лин иеленді. Жеңімпаздарға Астана қаласының спорт және дене шынықтыру басқармасының басшысы Берік Мыржықбаев дипломдар мен бағалы сыйлықтарды табыс етті.
Ал 2017 метр қашықтықтағы әйелдер арасындағы екінші және үшінші орынды Павлодардан келген екі марафоншы Анастасия Шараварова мен Белла Комарова иеленсе, астаналық Анар Қырықбаева жарыс жеңімпазы атанды. Жүлдегерлерге Астана қаласының әкімі Әсет Исекешев, олимпиада чемпионы Жақсылық Үшкемпіров, ҚР жеңіл атлетика федерациясының вице-президенті Елдар Табанов дипломдарды табыстады.
Ерлер арасында 2017 метр қашықтықта семейлік Евгений Орхипов қола жүлдені алса, Әділбек Серікбек екінші орыннан көрінді. Осы қашықтықта астаналық Әлімжан Сейтешов топ жарды. Ерлер арасындағы параалимпиадашылардың жарысында үшінші орынды ДастанРаушанбеков, екінші орынды Николай Квашнин, алтын медальді Құрбанәлі Абуов иеленді.
