Фестиваль елордадағы үш мұз қалашығында ақпан айының соңына дейін өткізілетін болады, деп хабарлайды Астана әкімдігінің ресми сайты.
Жаңажылдық түнде Астанада қазақстандық эстрада жұлдыздарының қатысуымен концерттер ұйымдастырылады. Түнгі сағат 12:00-де елорда тұрғындары мен қонақтары "Хан шатыр" СОСО артында, Есіл өзенінің жағалауында және Пушкин көшесі мен Абылай хан даңғылының қиылысында мерекелік отшашуды тамашалай алады.
"Хан Шатыр" СОСО және елорда әкімдігінің алдындағы қалалық алаңда орналасқан мұз қалашықтарында 31 желтоқсанда халықтық серуендер өтеді. Қонақтардың назарына сағат 21:00-ден таңғы 03:00-ге дейін түрлі ойын-сауықтар, концерттік бағдарламалар ұсынылады. Халық алдында Әли Оқапов, Дос, ағайынды Жүгінісовтер, Ринат Мальцагов, Ziruza, The Limba, "Диарт" тобы, "Килиманджаро" сияқты әртістер өнер көрсетеді", – делінген мәдениет және спорт басқармасының хабарламасында.
Биыл "Хан шатыр" СОСО маңындағы, қала әкімдігі алдындағы және Ботаникалық бақтың аумағындағы мұз қалашықтарында Astana Winter Land қысқы ойын-сауық фестивалі өткізілетін болады.
