2018-2019 оқу жылында Астана қаласының білім басқармасы елордадағы жекеменшік мектептерге мемлекеттік білім беру тапсырысын орналастырады, деп хабарлайды elorda.info.
"Мектепке дейінгі және техникалық-кәсіптік білім беру ұйымдарында мемлекеттік тапсырысты орналастыру тәжірибесіне сүйене отырып, жекеменшік мектептер желісін ұлғайту көзделіп отыр. Жан басына қаржыландыру әдісіне сәйкес, бастауыш сынып оқушылары үшін бір айлық шығын - 13 мың теңге, ал жоғары сыныптарда 21 мың теңге көлемінде қаражат бөлінуі жоспарланған", - делінген білім басқармасының хабарламасында.
Айта кетейік, қазіргі күні бағдарламаға қатысатын жекеменшік мектептер арасында "Ақбұлақ" балаларды дамыту орталығы, "Экономикалық лицей", "Алпамыс мектебі", "Нұрорда" мектеп-лицейі және т.б. оқу ордалары бар.
