Бүгін ҚР инвестициялар және даму министрлігінің қолдауымен Ауғанстанның өнеркәсіп және сауда министрі Хумаюн Расав бастаған кәсіпкерлер делегациясы Астанаға келді, деп хабарлайды ИДМ баспасөз қызметі.
Іс-шараға 40-тан астам іскер топ өкілдері қатысты.
Сапар барысында Қазақстан Республикасының инвестициялар және даму вице-министрі Арыстан Қабыкенов Ауғанстан делегациясымен кездесті. Сондай-ақ Қазақстан мен Ауғанстан кәсіпкерлерінің арасында бірқатар B2B кездесулер өтті. Кездесуге "Қазақ-Инвест", "ҚТЖ", "Қазгеология", "Қазақстан-Экспорт" және Қазақстанның сыртқы сауда палатасы сияқты ірі қазақстандық компаниялар қатысты.
Тараптар түрлі салалардағы сауда-инвестициялық, ауыл шаруашылығы, жер және әуе көлігі, сондай-ақ геология және минералды ресурстар сияқты түрлі салаларда Қазақстан-Ауғанстан қатынастарының қазіргі жағдайы мен келешегін талқылады.
Қазақстан сыртқы сауда палатасында еліміздегі орта кәсіпкерлік пен ауыл шаруашылығы, көлік және логистика сияқты салалар бойынша кездесулер ұйымдастырылды.
Конференция қорытындысы бойынша делегация басшылары келісілген хаттамаға қол қойды. Кездесу сындарлы және достық қарым-қатынас жағдайында өтті.
Айта кетсек, 2018 жылдың қаңтар-сәуір айларында Қазақстан мен Ауғанстан арасындағы тауар айналым 180,2 млн АҚШ долларын құрады, бұл өткен жылдың сәйкес кезеңімен салыстырғанда 19,3% -ға жоғары(151,1 млн АҚШ доллары).
2005 жылдан 2018 жылдың 1-ші тоқсанына дейін Қазақстаннан Ауғанстанға тікелей инвестициялардың жалпы ағыны 0,3 млн АҚШ долларын құрады.
Биылғы жылдың 1 маусымындағы жағдай бойынша Қазақстанда 272 заңды тұлға, филиалдар мен өкілдіктер тіркелген, олардың 119-ы белсенді түрде жұмыс істейді.
