Күдікті өзінің жұмыс орнында – түнгі клубтың бар үстелінде мефедрон сатуды ұйымдастырған, деп жазады inbusiness.kz.
"Астана қаласы есірткі қылмысына қарсы іс-қимыл басқармасының қызметкерлері жедел-іздестіру шараларын өткізіп, жеткілікті дәлелдеме базасын алып, есірткіні ойын-сауық орындарында өткізгені үшiн түнгі клубта бармен болып жұмыс істейтін жас жігітті ұстады. Оның жалға алған пәтерін тінту кезінде "каннабис" және "синтетикалық" есірткі заттары да тәркіленді", - деді ҚР Ішкі істер министрлігінің өкілі Шұғыла Тұрлыбек онлайн брифингте.
Жедел-іздестіру шаралары кезінде 4 грамм мефедрон және 11 грамм гашиш тәркіленді.
"Енді күдікті 10 жылдан 15 жылға дейін бас бостандығынан айырылуы мүмкін", - деді Ш.Тұрлыбек.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
