Астанада Жеңіс лентасы таратыла бастады. Қалалық ішкі саясат басқармасы мұрындық болған шара бас шаһардың 5 нүктесінде ұйымдастырылды. Бүгіннен бастап 9 мамырға дейін қала тұрғындары мен қонақтарына бір лентадан тегін таратылады. Бүгіннің өзінде қала жастары 100 мың жеңіс лентасын таратып үлгерді.
Атап өтсек жеңіс лентасының ені - 1 жарым сантиметр, ұзындығы - 70 сантиметр. Ортасы алтын түстес ұлттық өрнекпен безендірілген көгілдір түсті болып келеді. Шетінде ардагерлеріміздің Ұлы Отан соғысындағы ерлігі мен батылдығын білдіретін орден бейнесі орналасқан.
"Қалада өзіміздің 4 нүктеміз болады. Отан қорғаушылар және қалалық әкімшілік алаңдарында, "Хан шатырда", "Бәйтерек" алаңында 6-9 күндері әр адам бір лентадан тегін алуға болады", – деді қалалық Ішкі саясат басқармасының басшысы Ерлан Қаналимов.
