Астананың халықаралық әуежайы 2016 жылы 3 млн 452,714 мың жолаушыға қызмет көрсетті, бұл 2015 жылғы көрсеткіштен 3 %-ға артық, деп хабарлады "Интерфакс-Қазақстан" агенттігіне компаниядағылар.
Ішкі рейстердегі жолаушылар легі 2 млн 318,279 мың (өсім 5 %) адамды, халықаралық рейстерде – 1 млн 134,435 мың (1 % өсім) адамды құрады.
Оның ішінде 2016 жылы жөнелтілген жолаушылардың саны 1 млн 758,063 мың адамды (өсім 5 %), сырттан келген жолаушылар – 1 млн 694,651 мың (өсім 2 %) адамды құрады.
Әуежайдың жүк айналымы есептік кезеңде 28 %-ға, 10,078 мың тоннаға артты.
Жалпы 2016 жылы әуежай 24,833 мың рейсті орындады (өсім 2 %).
Елорданың әуежайы еліміздегі көлемі жағынан Алматыдан кейінгі екінші халықаралық әуежай саналады. Ол әуе кемелерінің барлық түріне шектеусіз қызмет көрсетеді. Нысан мемлекеттің меншігінде.
