Астанада демалыс күндері жауған қардың мөлшері бір жарым айлық нормадан асып түсті. Қазгидромет мамандары соңғы тәулікте толассыз жауған қардың бойы 37 милиметрге дейін жеткенін айтады. Қазір, шаһардың коммуналдық қызметі күшейтілген режимде жұмыс істеуде. Олар ең бірінші кезекте көлік көп жүретін көшелер мен әлеуметтік нысандардың алдын қардан аршыды деп хабарлайды inbusiness.kz Atameken Business телеарнасына сілтеме жасап.
Соңғы екі тәулікте қар құрсауында қалған қаланың тазалау үшін комуналдық қызмет тәуліктік жұмыс режиміне көшті. Елорданың сол жағалауыннан соңғы үш күнде 30 мың текше метр қар шығарылған. Мұндай көлемдегі қарды шығару үшін жүк көліктеріне 1800 рейс жасауға тура келді дейді мамандар.
"Біз әдетте бір ауысымда орта есеппен 6 мың текше метр қар шығаратынбыз. Ал, кешелі бері қалың жауған қардың салдарынан бір күнде 10 мың текше метр қар шығарып жатырмыз", - деді Есіл ауданы әкімдігі өндірістік-техникалық бөлімінің басшысы Фархад Мойынов.
Ал, Алматы ауданында қар тазалау жұмыстарына 250 ден астам арнайы техника мен 600 ден астам адам жұмылдырылған. Олар орталық көшелерді қардан толық тазалап, енді әлеуметтік нысандар мен жүргінші жолдарды тазалауға көшкен.
"Алматы ауданы бойынша қар жинау жұмыстары екі ауысымда, күшейтілген ражимде жүргізіліп жатыр. 00-30 Қазіргі таңда Алматы ауданынан осы соңғы үш күнде 17 мың текше метрге жуық қар шығарылды", - дейді Алматы ауданы әкімдігі өндірістік-техникалық бөлімінің басшысы Батырхан Жазықбаев.
Қазір, "Байқоңыр" ауданында 500-ге жуық жұмысшысы мен 150-ден аса арнайы техника жұмыс істеуде. Олар кешелі бері қардан 3500 мың текше метрден астам аумақты аршыған. Ал, "Сарыарқа" ауданындағы 514 жұмысшы мен 264 арнайы техниканың жұмысы қызу жүруде.
"Қар күреу жұмысына жол жиектерінде және кірме жолдардың жанында қалып кеткен көліктер кедергі жасауда. Дегенмен, соңғы үш күнде қаладан 71 мың текше метрден астам қар шығарылды. Бұл 5,5 мыңнан астам жүк көлігінің рейсіне тең", - деді Ерлан Рысбеков "Астана Тазалық" ЖШС директорының орынбасары
Қазір, қала бойынша екі мың екі жүз адам мен мыңнан астам техника қар тазалау жұмыстарына жұмылдырылған. Комуналдық қызмет үйілген қарды қарды бір апта уақытта қала сыртына толық шығаратынын айтады. Оған арнайы техника мен жұмыс күші жеткілікті дейді.
