Енді, Q-Сafe-ның дәмді өнімдері жанармай құю бекеттерінде ғана емес, қала көшелерінде де қолжетімді болмақ, деп хабарлайды inbusiness.kz тілшісі.
Бүгін алғаш рет Астананың орталық көшелерінде үшбірдей Q-Сafe ашылды. Нысанның ашылу салтанатына келген қала тұрғындары мен қонақтары Q-Сafe ұсынған дәмді татып көрді.
Qazaq Oil компаниясының жанармай құю кешендері желісіне кіретін Q-cafe тамақтану желісі көпшілікке кеңінен танылып келеді. Компания өкілдері кафе өнімдері жұртшылыққа қолжетімді болу үшін осындай бастама көтерген. Енді заманауи талапқа сай қызмет көрсететін қазақстандық брендтің тіскебасарларын жанармай құю бекеттеріне бармай-ақ, татып көруге болады.
"Өтіп бара жатып, мына жерде үлкен осындай кафе ашылып жатқанын көріп, келіптамашаладық. Біраз тағамдарын татып көрдік, жақсы дайындапты. кофеніңнеше түрін бәрін шетінен татып көрдік. Дәмді екен, осындай Астананың төрінде ашылып жатқан кафенің жұмысы жемістіболсын. жұмыскерлері табысты болсын", - қала тұрғыны Мараш Айтмұхамбетова.
Q-Сafe-ның өнімдері мен қызмет көрсету үлгісі қаз-қалпында сақталмақ. Мұндағы дәмді тіскебасарлар мен кофе Qazaq Oil брендіне сай, бірегей сапада болады, дейді кәсіпкер.
"Біз Qazaq Oil-мен серіктес ретінде Q-Сafe жанармай құю кешендерінен бөлек дамытуды қолға алдық. Оған батыс елдерінің тез тамақтану саласындағы тәжірибесі түрткі болды десем болады. Өйткені Q-Сafe-ның қызмет көрсету сапасы мен дәмді өнімдері бұл бағытты дамытуға барынша мүмкіндік береді", - дейді кәсіпкер Ерлан Аханов.
Енді Q-Сafe тамақтану желесінің ауқымы кеңейе түспек. Ал, сапалы брендті танытамын деген кәсіпкерлердің ұсынысын серіктестік өкілдері қуана қабылдаймыз дейді.
"Біз кофе мен дәмді өнімдердің өте танымал екенін көрдік. Мәселен, жанармай құю кешендерінде хот-дог, круассан, сэндвичке сұраныс жоғары. Сондықтан, біз клиенттерге бұл орынның жақын болуын қаладық", - дейді "Petro-retail" ЖШС маркетинг департаментінің директоры Бақытжан Тасанбаев.
Компания өкілдері бұған дейін Q-Сafe-нің қаладан ашылуын көлік мінбейтін клиенттер ұсыныс ретінде айтқан болатын дейді. Алдағы уақытта кафенің бөлімшелері Астана қаласынан бөлек басқа да елді мекендерден ашылмақ.
