13 желтоқсанда елорданың сол жағалауындағы Қонаев пен Мәңгілік ел көшелерінде орналасқан кейбір тұрғын үй кешендері жарықсыз қалды. Бұл туралы "Астана-АЭК" АҚ-тың баспасөз қызметі хабарлады, деп жазады inbusiness.kz сайты.
Компания баспасөз қызметі "Шұбар" қосалқы станциясында 10 киловаттық ұяшық автоматты түрде ажыратылғанын хабарлады.
"Төрт жедел-көшпелі бригада оқиға орнына аттанды. Қайта жалғау жұмыстары жүргізіліп жатыр. Уақытша қолайсыздықтар үшін кешірім сұрап, түсіністік танытқандарыңызға алғыс айтамыз", – дейді компаниядағылар.
Жарықсыз қалған нысандар:
- "Арайлым" ТК;
- "Премиум" ТК;
- "Новый мир" ТК;
- "Нұрсая" ТК;
- "Парковый" ТК;
- Қонаева көшесі, 7, 31 мекенжайындағы әкімшілік ғимараттар.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
