Астана қаласы ТЖ департаменті үстіміздегі жылдың ақпан айынан бастап "Төтенше жағдай қызметі туралы не білесіз?" тақырыбына ең үздік бейнероликке байқау жариялап отыр, деп хабарлайды Астана әкімдігінің ресми сайты.
Байқауға 12 жасқа дейінгі балалар қатыса алады. Қызықты және іске ізденімпаздықпен келген бейнеролик иелері, құнды сыйлықтармен марапатталатын болады.
Байқауға қатысу үшін ұзақтығы 1-2 мин болатын қысқа бейнеролик түсіріп, онда ТЖ қызметінің жұмысы туралы түсінігі мен жалпы көзқарасын баяндау керек. Жұмыстар 20 ақпанға дейін қабылданады. Өз жұмыстарыңызды мына электронды пошта мекен-жайына pressa.dchs.astana@mail.ru жібере аласыздар. Оған қоса, өзіңіз туралы мәліметті (АТЖ, туған жылы және оқитын мектебі) көрсету қажет.
Байқау қорытындысы бойынша жеңімпаздар Оқушылар сарайында 23 ақпан күні анықталатын болады.
