Астраханда бес қабатты ғимарат жартылай опырылды, үйінділер астында адамдар болуы мүмкін, деп хабарлайды inbusiness.kz сайты Интерфакс агенттігін сілтеме жасап.
"Вокзальная алаңындағы бес қабатты үйдің 3 және 4-ші кіреберістері опырылған. Үйінді астында адамдар болуы мүмкін", - деп хабарлады төтенше жағдайлар қызметі.
Үйде барлығы 200-ден астам адам тұрған.
"Үйде төрт кіреберіс және онда 80 пәтер бар. 200-ден астам адам тұрды. Қазір адамдарды қауіпсіз жерге көшіру жұмыстары жүріп жатыр", - деді баспасөз қызметі.
Апаттың себебі тіреуіш құрылымдардың бұзылуынан болуы мүмкін.
"Бүгін үйдің сыртқы қабырғасында үлкен жарықшақ анықталды. Екі сағаттан кейін опырылып түсті. Оқиғаның негізгі себебі ретінде тіреуіш құрылымдардың бұзылуы қарастырылуда",- деді ТЖД.
Адамдардың бір бөлігі ғимараттан шығарылды.
