"Азық-түлік келісімшарт корпорациясы" ұлттық компаниясы" АҚ-ның мәртебесі мен рөлін заңнамалық тұрғыдан айқындауды көздейтін құжат табиғи және техногендік сипатта төтенше жағдай туындаған немесе төтенше жағдай енгізілген кезде елді азық-түлікпен кепілді түрде қамтамасыз етуді жүзеге асырады.
"Заң жобасындағы түзетулер астықтың тұрақты жұмыс істейтін резерв қорын қалыптастыру арқылы елдің азық-түлік қауіпсіздігін қамтамасыз ету деңгейін арттыру арқылы ішкі астық нарығын тұрақтандыруға мүмкіндік береді. Сонымен қатар мал шаруашылығы мен құс шаруашылығы салаларына арналған жемшөп базасын дамытуға, сондай-ақ тұқымдық және жемдік қорларды қалыптастыруға ықпал етеді. Жалпы, астықтың резерв қорын сақтауға жыл сайын республикалық бюджеттен шамамен 2,4 млрд теңге көлемінде қаржы бөлу қажет", – деді депутат Сергей Звольский.
Қанат Махамбет
