"Астық мәмілесі" аясында Украинадан 15 млн тоннадан астам жүк шығарылды

493

22 Шілдеде Ыстамбұлда БҰҰ, Ресей, Түркия мен Украинаның қатысуымен Украина аумағындағы үш порттан — Черноморск, Одесса мен Оңтүстік порттардан астық шығару үшін дәліз құру туралы құжаттарға қол қойылды. 

"Астық мәмілесі" аясында Украинадан 15 млн тоннадан астам жүк шығарылды Фото: iStock

"Астық мәмілесі" аясында Украинадан 15 миллион тоннадан астам ауыл шаруашылығы өнімдері экспортталды, деп хабарлайды Inbusiness.kz Түркияның көлік және инфрақұрылым министрі Әділ Қараисмайлоғлудың мәлімдемесіне сілтеме жасап.

Министрдің айтуынша, 1 тамыздан 25 желтоқсанға дейін Украина порттарынан 585 құрғақ жүк тасымалданған. "Астық дәлізі" арқылы жалпы 15 млн 80 мың тонна агроөнімнің 13 түрі тасымалданды.

Қараисмайлоғлу Украинадан түскен өнімнің 44%-ы Еуропа елдеріне, 29%-ы Азия елдеріне, 15%-ы Түркияға, 12%-ы Африка мемлекеттеріне жөнелтілгенін атап өтті.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу