Егін жинау науқаны басталғаннан бері қазақстандық шаруалар 6,1 млн га дәнді және дәнді-бұршақты дақылдарды жинап үлгерді, бұл жоспардың 38% астамын құрайды, деп хабарлады жауапты ведомствоның баспасөз қызметі.
"Биылғы жылы өнімділіктің өсуіне қолайлы ауа райы жағдайлары, сондай-ақ көктемгі дала жұмыстары кезінде агротехникалық шаралар кешенін уақтылы жүргізілуі және өсімдіктердің өсіп-өну кезеңінде қолайлы фитосанитариялық жағдайды қамтамасыз ету ықпал етті. Ішкі тұтыну мен қазақстандық нарықты қамтамасыз етуге және бидайдың бір бөлігін экспортқа жөнелту үшін астықтың жеткілікті көлемі алынады деп болжанып отыр", – деп жазылған АШМ баспасөз қызметінің хабарламасында.
Қаржыландыруға келетін болсақ, 2022 жылы бюджеттік кредит 140 млрд теңге болған, бұл 2021 жылғы деңгейден 2 есе жоғары.
"Астықты форвардтық сатып алу шеңберінде қаржыландыру 100 млрд теңгеге дейін көбейтілді немесе бір жыл бұрынғыға қарағанда 2,5 есе артты", – делінген хабарламада.
Сондай-ақ ауыл шаруашылығы техникасын жеңілдікпен несиелеу тетігі іске қосылғаны, егін жинау жұмыстарын уақытылы жүргізу үшін жеңілдетілген дизель отыны бөлінгені жазылған.
