Асылтұқымды малға бөлінген субсидия ұшты-күйлі жоқ

161

Батыс Қазақстан облысы, Сырым ауданының прокуратурасы субсидия беру кезінде 12 миллион теңгеге жуық бюджет қаражатын мақсатсыз пайдаланғанын анықтады.  

Асылтұқымды малға бөлінген субсидия ұшты-күйлі жоқ Фото: pnp.ru

2023 жылы 11 935 000 теңгеге субсидияланған 1154 бас малдың сақталу мерзімі қамтамасыз етілмей, ауыл шаруашылығы жануарларын бірдейлендіру жөніндегі дерекқорынан есептен шығарылғаны анықталды.

Мысалы, ауыл шаруашылық өндірістік кооперативі 04.05.2023ж. 383 асыл тұқымды ірі қараға 3 830 000 теңге көлемінде субсидия алып, оларды бір жылдың ішінде дерекқордың есебінен шығарған, деп хабарлайды inbusiness.kz сайты.

Ал 15.03.2019ж. Ауыл шаруашылығы министрінің бұйрығымен бекітілген Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидаларына сәйкес мал басының жыл бойы сақталуы (мал шығынының зоотехникалық нормасын қоспағанда) қамтамасыз етілуі міндеттелген.

Осының салдарынан мемлекетке 11 935 000 теңге көлемінде материалдық шығын келтірілді.

Қазір заңды өрескел бұзу фактілері бойынша актісі енгізіліп, тексеру басталды. 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу