Шымкентте ата-анасының қарауынсыз қалған екі сәби 4-қабаттан құлап кетті, деп хабарлайды inbusiness.kz.
Алғашқысы Шымкент қаласы Әл-Фараби ауданына қарасты №17 шағын ауданында болған. 5 қабатты тұрғын үйдің 4-қабатынан бір жастағы сәби құлап кеткен. Ол ауруханаға жеткізілді.
Ал, екінші оқиға Тұран ауданына қарасты Спорт шағын ауданында болды. Көпқабатты үйдің 4 қабатынан 4 жастағы ұл құлап, ауруханаға жеткізілді. Екеуінің де жағдайы ауыр. Жансақтау бөліміне жатқызылған.
"Жыл басынан бері Шымкентте балалардың терезеден құлау жағдайы бойынша 6 факт тіркелді. Екі бала қайтыс болды. Барлық оқыс оқиғаларда бүлдіршіндер ата-анасының қарауынсыз қалған. Сондықтан, ата-аналардан балаларды қараусыз қалдырмау керектігін ескертеміз" делінген Шымкент қаласы ТЖД қоғаммен байланыс тобы таратқан ақпаратта.
