Мемлекет басшысының балалардың қауіпсіздігін қамтамасыз етуге қойылатын талаптарды күшейту жөніндегі тапсырмасын іске асыру шеңберінде Оқу-ағарту министрлігі ата-аналарға балаларын бақылау үшін білім беру мекемелеріндегі бейнекамераларға қол жеткізуге мүмкіндік беретін Нұсқаулық жобасын әзірледі деп хабарлайды Inbusiness.kz.
"Балалардың құқықтарын қорғау комитеті бейнебақылау камералары арқылы ата-ана бақылауы жүйесін енгізуді ұсынады. Бұйрық жобасы кемінде 30 күн мерзімге жазбаларды сақтау міндеттемесін көздейді. Сондай-ақ, мекеме басшысының жазбаның сақталуына жауапкершілігі қарастырылған. Бұдан бөлек, ата-аналардың ұсыныстарын ескере отырып, бейнебақылау камераларынан бейнені ұялы телефондарға беру тетігі енгізілетін болады", - деп атап өтті Балалардың құқықтарын қорғау комитетінің төрағасы Насымжан Оспанова.
Аталған тетіктің мақсаты білім беру мекемелерінің ашықтығы мен қауіпсіздігін арттыру болып табылады.
