Бұл туралы оның "Социал-демократтар" саяси партиясының серіктестері айтты. Партияның басшысы Темірлан Сұлтанбеков Алмазбек Атамбаевтың қазір емделіп жатқанын мәлімдеді, деп хабарлайды inbusiness.kz "Интерфаксқа"сілтеме жасай отырып.
"Батукаевты босату туралы үкімнің күші жойылды, Қырғызстанның бұрынғы президенті Алмазбек Атамбаев босатылды", - деп жазды Сұлтанбеков.
Сонымен қатар, Атамбаевтың жақтастары Первомай аудандық сотының Атамбаевтың Қырғызстаннан тыс жерге емделуге шығуына рұқсат берді.
Сұлтанбековтың айтуынша, соңғы екі жылда Атамбаев Қалыс-Ордодағы мектепке қатысты, түрік азаматтарына төлқұжат беру, мемлекеттік билікті басып алу сынды қылмыстық істер бойынша толығымен ақталды.
"Билік құрған комиссия Атамбаевтың Дача-Суда әуе апатына ұшыраған ұшаққа тиелген жүктерге еш қатысы жоқтығын толық дәлелдеді. Бүгін Батукаев бойынша үкім өз күшін жойды", - деді Сұлтанбеков.
Саясаткер қазір Атамбаевтың өміріне қауіп төніп тұрғанын, сондықтан тез арада ота жасап, емдеу керектігін жеткізді.
Бұған дейін Қырғызстан Жоғарғы Соты Атамбаевты 11 жылға соттаған істі қайта қарауға жіберген болатын. 2020 жылғы 23 маусымда Бішкектің Первомай аудандық соты Атамбаевты 2013 жылы қылмыстық аяда танымал Азиз Батукаевты заңсыз босатқаны үшін мүлкін тәркілеп, 11 жылға және екі айға бас бостандығынан айыруға үкім шығарды.
Атамбаев 2011 жылдан 2017 жылға дейін президент қызметін атқарды. Оған қатысты бірнеше қылмыстық іс қозғалды. Оған Батукаевты босату туралы істен басқа, 2019 жылғы 7-8 тамыздағы Қой-Таш ауылындағы тәртіпсіздіктерге, сыбайлас жемқорлыққа әрі қылмыстық кірістерді заңдастыруға, Түркия азаматтарына паспорттарды заңсыз беруге байланысты істер бойынша айып тағылды.
2022 жылғы 16 маусымда Атамбаев Бішкектегі "Қалыс-Ордо" тұрғын үй алабында мектеп салу әрі Түркия азаматтарына паспорттарды заңсыз беру туралы қылмыстық істер бойынша ақталды. Ол Қырғызстанның Қылмыстық кодексінің "лауазымдық жағдайын асыра пайдалану" және "сыбайлас жемқорлық" баптарында көзделген қылмыстар жасағаны үшін кінәсіз деп танылды.
2022 жылғы 28 маусымда Бішкектің Первомай аудандық соты Атамбаевты қылмыс құрамының болмауына байланысты 2020 жылғы қазанда жаппай тәртіпсіздіктер ұйымдастыру туралы іс бойынша ақтады.
2021 жылы ҚР Президентінің тапсырмасы бойынша 2010 жылғы маусымда елдің оңтүстігіндегі оқиғалар бойынша тергеу қайта басталды. Елдің Қылмыстық кодексінің "лауазымдық ережені асыра пайдалану" бабы бойынша айып Уақытша үкіметтің бұрынғы бес мүшесіне жүктелді. Олардың арасында 2010 жылы Уақытша үкімет төрағасының орынбасары қызметін атқарған Атамбаев та бар.
