banner

Атырау мұнай өңдеу зауыты жөндеу жұмыстарына жабылады

547

Зауытта 1 айға жуық мерзімде жөндеу жұмыстары жүргізіледі.  

Атырау мұнай өңдеу зауыты жөндеу жұмыстарына жабылады Фото: kapital.kz

Бұл туралы Энергетика вице-министрі Ерлан Ақкенженов мәлімдеді, деп жазады inbusiness.kz.

"1 қазаннан бастап 3 қарашаға дейінгі аралықта Атырау мұнай өңдеу зауытының жұмысы тоқтатылады деп жоспарланып отыр. Зауыт жұмыс істемейтін болады. Сәйкесінше бензин және дизель отыны өндірілмейді", - деді ол Энергетика министрлігінде өткен баспасөз брифингінде.

Ведомство өкілінің айтуынша, оған қарамастан жөндеу кезеңінде Қазақстанда отын тапшылығы болмайды.

"Бүгінгі таңдағы отын қорына тоқталсақ, бізде бензин жеткілікті. Әуе отыны 2 айға жуық мерзімге жетеді. АИ-92 бензинінің қоры – бір айдан астам, дизель отыны – 36 күн, АИ-95 бензині – 24 күн",  - деп нақтылады спикер.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу