Атырау облысының Сағыз ауылында (Батыс Қазақстан) төбелес кезінде бес адам оқ жарақатын алып, біреуі ауруханада көз жұмды, деп хабарлайды inbusiness.kz облыстық полиция департаментіне сілтеме жасап.
"30 қазан күні сағат 19:30 шамасында Атырау-Ақтөбе тас жолының 331 шақырымында Қызылқоға ауданы Сағыз ауылының маңында төбелес болып, 5 адам оқ жарақатын алды, бірінің қолы сынған. Салдарынан алған жарақаттарынан 1985 жылы туған азамат Сағыз ауылындағы амбулаторияда қайтыс болды", – деп жазылған полиция хабарламасында.
Оқиғаға ауыл тұрғындары арасындағы келіспеушілік себеп болған деген болжам бар.
Қазіргі уақытта іс бойынша Атырау облысының полиция департаментінің жедел-тергеу тобы жұмылдырылып, ҚР ҚК 99-бабы (Адам өлтіру) бойынша сотқа дейінгі тергеу амалдары жүргізілуде.
